O vindeiro xoves, 4 de abril, preséntase na Casa das Letras de Ribadeo “Arquitectura para pícar@s”, un curso innovador dirixido aos máis pequenos.
Será unha charla-taller aberta e gratuíta destinada a pais e fillos.
Está organizada polo espazo de aprendizaxe e creatividade pedagóxica MAUmarela! Ribadeo, 1 de abril 2013.- Da man de Jon Urbieta e MAUmarela! chega a Ribadeo o curso trimestral de Arquitectura para pícar@s que ten como obxectivo espertar e estimular aos máis cativos para que descubran e disfruten de cheo do seu entorno construído sendo quen de comprender o impacto e significado da arquitectura.
Arquitectura para pícar@s é un proxeto innovador na nosa zona, pero que conta cunha arraigada traxectoria noutros lugares. Partindo dos coñecementos máis cercanos aos nenos, pasando pola casa propia e chegando á cidade a traves das rúas e dos seus límites, miraremos a paisaxe, as montañas, ríos, murallas... Xogaremos sempre coas solucións que eles propoñan en base ás súas necesidades ou desexos. Traballando coa súa forma de entender os elementos. En MAUmarela! cremos que é preciso ir máis alá das fronteiras dos contidos educativos clásicos e apostamos por unha educación integral, multidisciplinar e creativa como valor para o futuro. Ademáis, pensamos que é moi positivo educar aos nenos en conceptos de urbanismo, paisaxismo e elementos constructivos, para que non repitan erros do pasado e para que se convirtan en cidadáns críticos e activos. Asemade, agardamos que do curso poidan saír propostas e materiais expositivos. Arquitectura para pícaros compons e de talleres traimestrais, dunha sesión semanal, con exercicios dentro e fora do taller, con visitas, excursións e actividades no exterior. Poden matricularse nenos a partir de 3 anos e ata 10, de maneira que participen nas diferentes tarefas en función do seu grao de dificultade, fomentando así aprendizaxe colaborativa. No curso aléntase o xogo da imaxinación e da intelixencia, a teoría e a experimentanción. Dado que a arquitectura é unha forma de arte espacial, traballaranse habilidades manuais, como: o debuxo, o modelismo, a fotografía, o muralismo, a infografía... Facendo sempre fincapé nos métodos de traballo en 3D, que demostraron ser moi eficaces na comprensión do entorno construído.
_________________________________
No hay comentarios:
Publicar un comentario